वांगी - पिकांचे लागवड तंत्र

 

पिकांचे लागवड तंत्र : 

वांगी 

जमीन :

 मध्यम ते भारी पाण्याचा उत्तम निचरा होणारी जमीन निवडावी.

लागवडीची वेळ :

 (१) मे-जून, (२) ऑगस्ट-सप्टेंबर, (३) डिसेंबर-जानेवारी अ) लागवडीची पध्दत गादी वाफ्यावर रोपे तयार करून ४-५ आठवड्याची रोपे स्थलांतरित करावी.

•  हेक्टरी बियाणे : ७०० ते १००० ग्रॅम

• बीज प्रक्रिया : ३ ग्रॅम कॅप्टन किंवा २ ग्रॅम कार्बन्डॉझिम प्रति १ किलो बियाण्यास लावावे २

• पूर्वमशागत : शेताची आडवी उभी नांगरणी करून नंतर ढेकळे फोडून वखरणी करावी. जमिनीमध्ये चांगले कुजलेले शेणखत हेक्टरी ३०-४० गाड्या फेकून वखराची पाळी द्यावी.

सुधारित जाती : 

अरूणा, अकेएलवी-९, (डॉ. पं.दे.कृ.वि. विकसीत) मांजरी गोटा, पुसा पर्पल राऊंड, पुसा पर्पल क्लस्टर, रूचिरा, प्रगती, पुसा पर्पल लॉग, पुसा क्रांती, फुले हरित आणि कृष्णा (संकरित वाण), फुले अर्जुन (संकरित वाण)

लागवड : 

सुधारित वाणाची रोप सरी-वरंब्याचे वाफ्यामध्ये ७५ x ६० सें.मी. किंवा ७५ x ७५ सें.मी. आणि संकरित वाणाची रोपे ९० x ७५ सें. मी. अंतरावर स्थलांतरित करावी.

खत व्यवस्थापन :

 हेक्टरी १०० किलो नत्र, ५० किलो स्फुरद व ५० किलो पालाश द्यावा. त्यापैकी अर्धा नत्र व पूर्ण स्फुरद व पालाश लागवडी सोबत द्यावे. राहिलेला अर्धा नत्र लागवडीनंतर ३० दिवसांनी द्यावा.

ओलीत :

पिकाच्या गरजेनुसार १०-१२ दिवसानी पाण्याच्या पाळ्या द्याव्या. उन्हाळ्यात पाण्याच्या पाळ्या ४-५ दिवसानी द्याव्या. जमिनीच्या मगदूराप्रमाणे हा कालावधी कमी-जास्त करावा.

आंतरमशागत : पीक निरोगी व स्वच्छ राहण्यासाठी आवश्यकतेनुसार २-३ वेळा कोळपणी व निंदणीकरून जमीन तणविरहीत ठेवावी.

पिकाचा कालावधी: 

पीक बी पेरणी पासून ५० ते ६० दिवसात फुलोऱ्यावर येते व प्रथम काढणीस ७०-८० दिवसात तयार होते. या पिकाचा कालावधी २०० दिवसापर्यंत असतो. विविध जातीनुसार हा कालावधी कमी जास्त राहू शकतो. काढणी : पीक काढणीस तयार झाल्यावर दर ६-८ दिवसानी फळांची तोडणी करावी. अशाप्रकारे साधारणपणे १०-१२ तोडे मिळतात.

हेक्टरी उत्पादन : 

साधारणपणे हेक्टरी २५० ते ३०० विंटल उत्पादन मिळते. संकरीत जातीमध्ये हेक्टरी उत्पन्न ४०० ते ४५० क्विंटल मिळते.