आले (अद्रक)
जमीन :
पाण्याचा उत्तम निचरा होणारी, भुसभुशीत, मध्यम जमीन निवडावी.
लागवडीची वेळ :
मे-जून अ) लागवडीची पध्दत सरी वरंब्याचे वाफ्यामध्ये बेणे रोवून ब) हेक्टरी बियाणे: १००० - १२०० किलो (बारीक), १४००-१५०० किलो (जाड)
पूर्वमशागत:
शेतास आडवी उभी नांगरणी केल्यावर ढेकळे फोडून वखरणी करावी. नंतर चांगले कुजलेले शेणखत हेक्टरी
४०-५० गाड्या टाकावे व पुन्हा वखरणी करावी.
सुधारित जाती:
माहीम, सुप्रिया, रिओडिजानिसे, चायना, व्यानाड, जी ५५-१, सुरभी.
लागवड :
सरी वरंब्याचे वाफ्यामध्ये २०-२५ ग्रॅम वजनाचे तुकडे करून ३० x २२.५ सें.मी. अंतरावर लावावे. खत व्यवस्थापन हेक्टरी ५० किलो नत्र २५ किलो स्फुरद + २५ किलो पालाश द्यावा यापैकी पूर्ण स्फुरद आणि पूर्ण पालाश लागवडीसोबत तर लावणीनंतर ३० दिवसांनी अर्धा नत्र व राहिलेला अर्धा नत्र त्यानंतर ६० दिवसानी द्यावा.
ओलीत :
दर ८-१० दिवसानी पाण्याच्या पाळ्या द्याव्या. जमिनीचा मगदूर व पिकाच्या गरजेनुसार हा कालावधी कमी जास्त करावा. आंतरमशागत पीक स्वच्छ व निरोगी राहण्यासाठी २-३ निंदण द्यावे. झाडांना मातीची भर द्यावी. शक्य झाल्यास सावली देणारी झाडे (एरंडी) पिकामध्ये लावावीत.
पिकाचा कालावधी :
आले हे पौक साधारणपणे २७० दिवसात तयार होते.
काढणी:
पिकाची पाने ५० टक्के पेक्षा जास्त पिवळी पडून मुकू लागल्यावर पीक काढणीस तयार झाले असे समजावे. नंतर खोदून पिकाची काढणी करावी.
हेक्टरी उत्पादन:
१०० ते १५० किंटल ओल्या अद्रकाचे उत्पादन मिळते.
0 टिप्पण्या
शेतकरी मित्रांनो तुम्हाला हळद या पिकाबद्दल अजून कोणतीही माहिती हवी असेल तर खाली कमेंट करा तुमच्या प्रश्नांची उत्तरे तुम्हाला तुम्हाला मिळतील धन्यवाद व फॉलो करा,